31 may 2022-ci il tarixində Azərbaycan Dövlət Aqrar Universitetində “Məzun-2022” yarmarkası keçirilib. Yarmarkada müxtəlif elmi-tədqiqat institutları və şirkətlər iştirak edib.
Heyvandarlıq Elmi Tədqiqat İnstitutu da yarmarkada iştirak edib. İnstitutun stendləri tədbir iştirakçıları tərəfindən maraqla qarşılanıb. Qeyd edək ki, Heyvandarlıq Elmi Tədqiqat İnstitutunun stendində institutun mütəxəssisləri tərəfindən hazırlanmış müxtəlif buklet, tövsiyə və kitablar, heyvan cinslərinin kataloqları, müxtəlif qoyun və keçi cinsləri, mələzləri, bildirçin cinsləri, tut ipəkqurdu cinsləri və baramaları, müxtəlif heyvan yemləri, "Flow Hive" tipli arı yeşiyi, arı ailəsi, yaşıl yem konteynerinin kiçik modeli, institutun istehsal etdiyi süd məhsulları, institutun "Arıçılıq" Mərkəzi tərəfindən istehsal edilən arıçılıq məhsulları və s. nümayiş etdirilib.