Kənd Təsərrüfatı Nazirliyinin dəstəyi Heyvandarlıq Elmi Tədqiqat İnstitutunun təşkilatçılığı ilə heyvandarlıq sahəsində fəaliyyət göstərən fermerlər, sahibkarlar və mütəxəssislər üçün "İribuynuzlu heyvanlarda Embrion transferinin əhəmiyyəti" mövzusunda seminar keçirilib. Seminarda yerli mütəxəssislərlə yanaşı Belarus Respublikasından dəvət olunmuş Qrodno Dövlət Aqrar Universitetinin kənd təsərrüfatı heyvanlarının çoxaldılması üzrə sənaye biotexnologiya laboratoriyasının müdiri, kənd təsərrüfatı elmləri namizədi, dosent Aleksandr Deşko Stanislavoviç də məruzə ilə çıxış edib. 13 rayondan 50-dən çox fermerin iştirak etdiyi seminar qarşılıqlı diskussiya şəklində davam edib. Sonda iştirakçılara seminarda iştirak etdikləri üçün sertifikatlar təqdim olunub. Gələcəkdə bu istiqamətdə maarifləndirmə işlərinin davam etdirilməsi nəzərdə tutulur.