Azərbaycan Respublikası Kənd Təsərrüfatı Nazirliyinin Heyvandarlıq Elmi Tədqiqat İnstitutu tərəfindən ölkəmizə dəvət edilmiş Belarus Respublikası Qrodno Dövlət Aqrar Universitetinin əməkdaşı, k.t.e.n., dosent Aleksandr Deşko institutun maddi-texniki bazası, yardımçı təcrübə təsərrüfatları və müasir laboratoriyaları ilə yaxından tanış olub. Aleksandr Deşkoya institutun ümumi fəaliyyəti, burada yerinə yetirilən elmi tədqiqat işlərinin istiqaməti, laboratoriyalarda aparılan analizlər, ümumiyyətlə, fermer və sahibkarlara, eləcə də təsərrüfatlara göstərilən xidmətlər barədə ətraflı məlumat verilib, onu maraqlandıran suallara aydınlıq gətirilib.