Azərbaycan Respublikasının Kənd Təsərrüfatı Nazirliyinin Heyvandarlıq Elmi-Tədqiqat İnstitutunun "Arıçılıq" Mərkəzinin əməkdaşları Goranboy rayonunun Fəxralı kəndində arıçı Hüseyn İbrahimovun arıxanasında olmuşlar. Arıxanaya baxışın məqsədi təsərrüfatçılarla əlaqələrin qurulması, mövcud çatışmamazlıqların aşkarlanaraq mütəxəssis məsləhətlərinin verilməsi, təsərrüfatın daha rentabelli işləməsi üçün konkeet tədbirlərin görülməsində iştirak etmək, müvafiq köməkliyin göstərilməsi olmuşdur. Baxış zamanı ailələrinin birində ana arının olmaması, pətəklərdə əlavə şanlı çərçivələrin verilməsinə ehtiyac duyulduğu qənaətinə gəlinmişdir. Anasız ailəyə mayalanmış ana arının yaxın günlərdə Mərkəz tərəfindən mayalanmış ana arının verilməsi planlaşdırılmış, əlavə çərçivələr ailələrə paylanılmış və digər tədbirlər həyata keçirilmişdir.
Təsərrüfat sahibi göstərilmiş xidmətə görə konsultantlara təşəkkürünü bildirmişdir.
Qeyd edək ki, “Arıçılıq” Mərkəzi tərəfindən işlərin bu istiqamətdə davam etdirələcəyi planlaşdırılır.