Heyvandarlıq Elmi Tədqiqat İnstitutunda "Heyvandarlıqda elmi-tədqiqat işlərinin aparılması üçün metodoloji təlimat" nəşr olunub. Təlimatda heyvandarlıqda elmi tədqiqat işlərinin aparılması metodikası, iqtisadi və fizioloji təcrübələrin qurulması üsulları, onların təşkili məsələləri, nəticələrin uçotu, eksperimental məlumatların riyazi təhlili, tədqiqat nəticələrinin ədəbi təqdimatı, patentləşmənin əsasları işıqlandırılmışdır. Vəsait elmi tədqiqat işi ilə məşğul olan tələbələr, doktorant, dissertantlar və elmi işçilər üçün nəzərdə tutulmuşdur.