Kənd Təsərrüfatı Nazirliyinin, Heyvandarlıq Elmi Tədqiqat İnstitutunun, "4S" MMC-nin və “Delaval” şirkətinin təşkilatçılığı ilə “Respublikada südçülükdə təcrübənin artırılması və inkişafı” adlı seminar keçirilmişdir.
Seminarda Kənd Təsərrüfatı Nazirliyinin “Heyvandarlığın təşkili və monitorinqi” şöbəsinin müdiri Eldar Həsənov, Kənd Təsərrüfatı Nazirliyinin “Fermerlər, assosiasiyalar və kooperativlərlə iş” şöbəsinin müdiri Fariz Əliyev, Heyvandarlıq Elmi Tədqiqat İnstitutunun direktoru Mahir Hacıyev, KOBİA Gəncə-Qazax regional koordinatoru Anar Əliyev , Dövlət Aqrar İnkişaf Mərkəzlərinin, Aqrar Təlim Mərkəzinin nümayəndələri,Ağdaş Yem Zavodunun və 80-dən çox fermer,sahibkarlar iştirak edib.
Seminarda yerli mütəxəssislərlə yanaşı Rusiyadan dəvət olunmuş Dmitriy Dolqov və Sergey Milovanov tərəfindən "Sağım rejimi", "Yem bazası", "Südün soyudulması və saxlanılması", "İstilik stressi səbəbindən südün itkisi", "Sağım avadanlığının yuyulma prosesi" və s. kimi mövzularda təqdimatlarla çıxış ediblər.Tədbirin sonunda iştirakçıları maraqlandıran suallar ekspertlər tərəfindən cavablandırılıb.