Heyvandarlıq Elmi Tədqiqat İnstitutunda "Heyvandarlıqda innovativ texnologiyaların tətbiqi" adlı seminar keçirilib. Seminarda Azərbaycan Texnologiya Universitetinin müəllim və tələbə heyəti iştirak edib.
Seminar zamanı iki qurum arasındakı əməkdaşlığın tərəfləri, heyvandarlıqda tətbiq edilən innovasiyalar, onların vacibliyi və əhəmiyyəti, mövcud kadr çatışmazlığı, texnoloji sahələr üzrə təhsil alan tələbələrin aqrar sahəyə verə biləcəkləri töhfələr barədə geniş müzakirələr aparılıb. Daha sonra universitetin tələbələri hazırladıqları "start-up"-lardan bəhs edən təqdimatlarla çıxış ediblər. Seminarda fəal iştirak edən tələbələrə və müəllimlərə Heyvandarlıq Elmi Tədqiqat İnstitutu tərəfindən "Təşəkkürnamə" təqdim edilib.
Sonra seminar iştirakçıları ilə institutun laboratoriya və Yardımçı Təcrübə Təsərrüfatlarına baxış keçirilib, aparılan elmi-tədqiqat işləri haqqında məlumat verilirb.