Heyvandarlıq Elmi Tədqiqat İnstitutunun əkin sahəsindəki birillik ikiləpəli alaq otlarına qarşı herbisidlərin tətbiqinə başlanılıb.
Weed Killer D herbisidi qarğıdalı və buğda bitkisində birillik ikiləpəli alaq otlarına qarşı tətbiq edilir. Qarğıdalı bitkisində 2-4 yarpaq fazasında, buğda bitkisində isə kollama fazasında tətbiq edilir. Preparatın çilənməsi temperaturdan asılı olaraq həyata keçirilir, 18-25 dərəcə temperaturda çox effektiv təsir göstərir. Küləkli havada tətbiq etmək olmaz. Preparat çiləndikdən 2 gün sonra alaq otlarının yerüstü hissəsində soluxma baş verir. Preparat alaq otlarına kökdən və yarpaqdan daxil olaraq onlarda gedən fizioloji proseslərdə iştirak edərək onları məhv edir.