Azərbaycan Respublikası Kənd Təsərrüfatı Nazirliyi və Türkiyə Respublikası Kənd Təsərrüfatı və Meşə Nazirliyinin, Heyvandarlıq Elmi Tədqiqat İnstitutunun, Peşəkar Arıçılar Birliyinin və Heyvandarlıq Elmi Tədqiqat İnstitutunun "Arıçılıq" Mərkəzinin birgə təşkilatçılığı ilə "ARIÇILIQDA MÖVCUD PROBLEMLƏR VƏ ONLARIN HƏLLİ YOLLARI, İNNOVASİYALARIN TƏTBİQİ" adlı təlim kursunun I günü başa çatıb.
Təlim kursunun açılış mərasimində Kənd Təsərrüfatı Nazirliyinin "Heyvandarlığın təşkili və monitorinqi" şöbəsinin müdiri Eldar Həsənov, Heyvandarlıq Elmi Tədqiqat İnstitutunun direktoru Mahir Hacıyev, Peşəkar Arıçılar Birliyinin sədri Elxan Ələkbərov, institututun "Arıçılıq" Mərkəzinin direkoru Samir Mahmudov çıxış edib.
Daha sonra Türkiyə Respublikası Ankara Universitetinin doktoru Sedat Sevin "Arıçılıqda yeni xəstəliklər" mövzusunda slayd materialı və geniş məruzə ilə çıxış edib. Sonra peşəkar arıçı İlqar Rəhimov "Varroa xəstəliyinə qarşı mübarizədə üzvi turşulardan istifadə qaydaları" mövzusunda çıxış edib. Daha sonra isə Türkiyənin "Arı Farma" şirkətinin doktoru Ertaç Tutkun onlayn qoşulma ilə təlim iştirakçılarına "Türkiyədə yayılmış virus xəstəlikləri və mübarizə tədbirləri", "Yanlış bəslənmədən qaynaqlanan arı ölümləri" və "Propolisin emalı və müxtəlif xəstəliklərdə istifadəsi" mövzularında ətralı məlumat verib. Təlimin ilk günü geniş diskussiya şəraitində davam edib.
Təlim kursunun II günündə Türkiyə Respublikası Ankara Universitetinin doktoru Sedat Sevin "Arıçılıqda innovativ texnologiyaların tətbiqi" mövzusunda slayd materialı və geniş məruzə ilə çıxış edib. Daha sonra "Türkiyə Bioloqlar Dərnəyi"nin rəhbəri doktor İhsan Soytemiz "Arıçılıqda probiotiklərin tətbiqi və onların arı xəstəliklərinin müalicəsində rolu" mövzusunda ətralı məlumat verib. Sonra təlimdə iştirak edən peşəkar arıçıların çıxışları dinlənilib. Təlim kursunun sonunda iştirakçılar sertifikatla təltif ediliblər.