25.01.2022-ci il tarixində Heyvandarlıq Elmi-Tədqiqat İnstitutunda Gəncə Arıçılar Birliyinin və Peşəkar Arıçılar Birliyinin təşkilatçılığı ilə Türkiyə "Mert" Arıçılıq şirkətinin təsisçisi və rəhbəri Kürşad Zeynel Utlu və xanımı Sibel Utlu ilə arıçıların masterklası, seminarı təşkil olunub. Seminarda ümumilikdə 70 nəfərdən çox olmaqla Gəncə, Goranboy, Göygöl, Şəmkir, Qazax, Göyçay rayonundan olan arıçılar iştirak ediblər. Görüşdə həmçinin, Ukraynda yaşayan peşəkar arıçı Rəşad Ağakişiyev də təqdimatla çıxış edib.
Seminarın keçirilməsində məqsəd sənaye arıçılığının inkişaf dinamikasını müzakirə etmək, arıçılıqda yeni metodların aşılanması və təhlilinin artırılması, paket arıçılığının üstünlüklərinin müzakirəsi, arı ailələrinin idarəedilmə xüsusiyyətləri və arılarda xəstəlik və zərərvericilərə qarşı müasir mübarizə metodlarının elmi-təcrübi xüsusiyyətlərindən əldə olunan nəticələrin paylaşılması olmuşdur.
Tədbirdə iştirakçıların sualları ətraflı şəkildə cavablandırılıb. Sonda iştirakçılar sertifikatla təltif ediliblər.