Kənd Təsərrüfatı Nazirliyinin təlim proqramına uyğun olaraq 9 dekabr 2021-ci il tarixində Heyvandarlıq Elmi Tədqiqat İnstitutunun "Yetişdirmə, məhsul emalı, istehsalı və marketinqi" şöbəsinin böyük elmi işçisi Rəşad Məhərrəmov tərəfindən DAİM nümayəndələri, fermerlər və sahibkarlar üçün "İribuynuzlu mal-qaranın qış dövrü üçün yem normalarının tərtibi" mövzusunda təlim keçirilib. Təlim iştirakçılarına düzgün yem normalarının tərtibi, qaydaları, yemlərin növü, yaz və qış yemləməsinin fərqi, müasir yemləmə üsulları, bu sahədə olan dünya təcrübəsi və s. barədə geniş məlumat verilib, onları maraqlandıran suallara aydınlıq gətirilib.