Azərbaycan Dövlət Aqrar Universitetinin "Zoomühəndislik" fakültəsinin "Zootexniya" ixtisasının 3-cü kurs tələbələri Heyvandarlıq Elmi Tədqiqat İnstitutuna səfər ediblər. Səfər zamanı tələbələrə institutun direktoru Mahir Hacıyev tərəfindən qurumun ümumi fəaliyyəti, görülən işlər, aparılan elmi tədqiqat işlərinin istiqamətləri barədə məlumat verilib. Daha sonra institutun "Yemləmə və yemlərin analizi" laboratoriyasının müdiri Zöhrab Süleymanov tələbələrə institutda fəaliyyət göstərən müasir laboratoriyalar, həmin laboratoriyalarda aparılan analizlər barədə qısa məlumat verib. Tələbələr həmçinin, yaşıl yem istehsal edən müasir konteyner tipli qurğu və onun iş prinsipi ilə də tanış olublar. Sonda institutun əməkdaşları və tələbələrlə birgə xatirə fotosu çəkilib.