05.08.2021-ci il tarixində Heyvandarlıq Elmi-Tədqiqat İnstitutunun yarım illik hesabat iclası keçirilib. İclasda Kənd Təsərrüfatı Nazirliyinin "Heyvandarlığın təşkili və monitorinqi" şöbəsinin müdiri Eldar Həsənov və həmin şöbənin sektor müdiri Tərlan Əsgərov da iştirak edib.

İlk öncə ümumi 6 aylıq təqdimatla institutun direktoru Mahir Hacıyev çıxış edib. O, 2021-ci ilin birinci yarısında institutda görülən işlər, yerinə yetirilən tədqiqat işləri, icra edilən layihələr, qurulan yerli və beynəlxalq əməkdaşlıqlar barədə geniş məlumat verib.

Daha sonra institutda aparılan elmi-tədqiqat işləri barədə məsul şəxslər məruzələrlə çıxış edib. Eyni zamanda tabeli qurumlarda aparılan elmi-tədqiqat işləri və görülən ümumi işlər barədə hesabatlar dinlənilib.

Sonda Kənd Təsərrüfatı Nazirliyinin "Heyvandarlığın təşkili və monitorinqi" şöbəsinin müdiri Eldar Həsənov institutun 6 aylıq hesabatı barədə yekun fikrini söyləyib, nailiyyətlər, qurulan əməkdaşlıqların daha da inkişaf etdirilməsi, aparılan elmi tədqiqat işlərinin cari vəziyyəti, mövcud nöqsanlar, onların aradan qaldırılması istiqamətində görüləcək tədbirlər barədə öz tövsiyələrini verib.