23.03.2021-ci il tarixində Belarusiya Dövlət Aqrar Texniki Universitetinin Aqro-Sənaye kompleksinin "Təkmilləşdirilmiş tədqiqatlar və yenidən hazırlanma institutu"-nun təşkilatçılığı ilə "Heyvandarlıda müasir aspektlər: mövcud vəziyyət, problemlər və həll yolları" mövzusunda beynəlxalq vebinar keçirilib. Vebinarda institutun direktoru Nikolay Yakovçik Stepanoviç, institutun "İnnovativ İnkişaf" kafedrasının müdiri i.e.d., professor Kireyenko Natalya Vladimirovna, "Unibox" MMC şirkətlər qrupunun "Agro-Box Zootech" Birgə Müəssisəsinin kənd təsərrüfatı texnologiyalarının inkişafı üzrə baş mütəxəssisi, kənd təsərrüfatı elmləri namizədi Lapotko Aleksandr Mixayloviç, "Minsk heyvandarlıq müəssisəsi"-nin baş baytar-həkimi Şevkun Vladimir Nikolayeviç geniş slayd materialı və məruzələrlə çıxış edivlər. Vebinarda Azərbaycan Respublikası Kənd Təsərrüfatı Nazirliyinin Heyvandarlıq Elmi-Tədqiqat İnstitutunun diektoru a.e.f.d., dosent Mahir Hacıyev də iştirak edib. Çıxışlar yekunlaşdıqdan sonra vebinar iştirakçıları ilə geniş diskusiya aparılıb.