Cənubi Koreyanın Ticarət və İnvestisiyaların Təşviqi Agentliyi (KOTRA), İNPRO, WHYBIZ, ENEY şirkətləri ilə Heyvandarlıq Elmi Tədqiqat İnstitutu arasında onlayn görüş keçirilib. Görüş zamanı “Koreya-Azərbaycan ağıllı kənd təsərrüfatı sahəsində əməkdaşlıq” çərçivəsində icra edilən layihənin cari vəziyyəti, iribuynuzlu heyvandarlıq kompleksində quraşdırılan videomüşahidə sistemi, ağıllı kapsullar və müvafiq proqram təminatı barədə danışılıb, sözügedən proqram təminatının daha da təkmilləşdirilməsi istiqamətində tərəflər arasında fikir mübadiləsi aparılıb. Daha sonra qarşı tərəfin sentyabr ayı üçün nəzərdə tutulan səfəri və oktyabr ayında keçirilməsi nəzərdə tutulan tədbir barədə ilkin planlaşdırmalar razılaşdırılıb.