Bu gün Heyvandarlıq Elmi Tədqiqat İnstitutunun direktoru Mahir Hacıyev, institutun şöbə müdirləri Yasin Gözəlov və Müzakir Məmmədov Qarabağ Atçılıq Kompleksində olublar.
İlk öncə kompleksdəki atlara baxış keçirilib, institutun əməkdaşları tərəfindən xüsusi ölçmələr aparılıb. Daha sonra iki qurum arasında seleksiya-damazlıq işinin aparılmasına dair elmi-texniki əməkdaşlıq müqaviləsi imzalanıb. Əməkdaşlığın əsas istiqamətləri atçılıqda seleksiya damazlıq proqramının elmi əsaslarla işlənilməsi və tətbiqi, qarşılıqlı elmi-praktiki biliklərin mübadiləsi, qabaqcıl ölkə təcrübələrinin əldə etdikləri nəticələrin təhlili və tətbiqi, əlaqəli elm və tətbiq işlərinin koordinasiyası, xaricdən gətirilmiş at cinslərinin Azərbaycan Respublikasının müxtəlif bölgələrinə adaptasiyasının öyrənilməsi, yerli at cinslərinin genofondunun öyrənilməsi, alınan nəticələrinin nəşri, əldə edilən nailiyyətlərin yayılması, nümayiş sahələrinin yaradılması və təcrübə sahələrinə səfərlərin təşkili, əlaqəli formada istehsalatda tətbiqi işlərin genişləndirilməsi üzrə müvafiq fəaliyyətin həyata keçirilməsi, vaxtaşırı birgə aparıcı mütəxəssislərin, gənc alimlərin, əlaqədar strukturların və fərdi təsərrüfat subyektlərinin görüşlərinin təşkili, qarşılıqlı maraq doğuran beynəlxalq və yerli layihə, proqramlarda birgə iştirak, elmi və texnoloji informasiya mübadilələrinin aparılması, elmi və texniki işçilərin elmi-təcrübi istiqamətlərdə ixtisaslaşdırılmasının təşkili və kadr hazırlığıdır.