13-14 sentyabr tarixlərində onlayn formatda Qida Təhlükəsizliyi üzrə İslam Təşkilatının İslam Ölkələri Təşkilatına üzv olan ölkələrin kənd təsərrüfatı sahəsində fəaliyyət göstərən nümayəndələrinin iştirak etdiyi “Qida təhlükəsizliyinin təmin edilməsində və heyvandarlığın yaxşılaşdırılmasında heyvanların genetik resurslarının rolu” adlı konfrans keçirilir.
Tədbir İslam Təşkilatına üzv olan ölkələrdə heyvanların genetik resurslarının idarə edilməsi və kənd təsərrüfatı heyvanlarının genetik resurslarının hazırki vəziyyətinin qiymətləndirilməsinə yönəlib. Tədbir, həmçinin üzv ölkələrin ekspertlərinin təcrübə mübadiləsi və layihələri nəzərdən keçirmək, birgə tədqiqat fəaliyyətinin aparılması üçün platformanı təmin edir.
Qeyd edək ki, konfransın ilk günündə Azərbaycan Respublikası Kənd Təsərrüfatı Nazirliyinin Heyvandarlıq Elmi-Tədqiqat İnstitutunun direktoru a.e.f.d., dosent Mahir Hacıyev də geniş təqdimat materialı və məruzə ilə çıxış edib.