Azərbaycan Dövlət Aqrar Universitetinin (ADAU) bir qrup tələbəsi Heyvandarlıq Elmi Tədqiqat İnstitununda (HETİ) olublar.
Universitetin "Zoomühəndislik" ixtisası üzrə II kurs tələbələri HETİ-nin maddi-texniki bazası və laboratoriyaları ilə yaxından tanış olublar.
Bildirilib ki, İnstitut olaraq daim beynəlxalq təşkilatlar, elm müəssisələri ilə əməkdaşlıq edilir və beynəlxalq təcrübənin ölkəmizdə heyvandarlığın inkişafı üzrə tətbiq olunmasında əsaslı addımlar atılır.
Daha sonra tələbələrə İnstitutun balansında olan təcrübə təsərrüfatında aparılan işlər və istifadə olunan yeni texnologiyalar göstərilib, heyvanların yemlənmə üsulları, yerli və xarici heyvan cinsləri, yardımçı təsərrüfat barədə məlumat verilib.