11 avqust 2023-cü il tarixində Kənd Təsərrüfatı Nazirliyi, Aqrar İnnovasiya Mərkəzi, Aqrar Xidmətlər Agentliyi, Dövlət Toxum Fondu və Azərbaycan Toxumçular Assosiasiyasının birgə təşkilatçılığı ilə Şəki şəhərində Aqrar İnnovasiya Festivalı keçirilib. Heydər Əliyev Parkında baş tutan festivalda innovativ texnologiya və avadanlıqlar nümayiş olunub. Festival çərçivəsində həmçinin, mövsümün ilk toxum sərgi-satış yarmarkası da keçirilib. Yarmarkanın keçirilməsində məqsəd payızlıq əkinlər ərəfəsində fermerlərin yüksək keyfiyyətli sertifikatlaşdırılmış toxuma əlçatanlığını təmin etmək olub.
Qeyd edək ki, festivalda nazirliyin tabeli qurumları, elmi-tədqiqat institutları, aqrar sahədə fəaliyyət göstərən müxtəlif şirkətlər, yem fabrikləri və digər əlaqəli müəssisələr iştirak edib.