“Konstitusiya və Suverenlik İli” çərçivəsində Heyvandarlıq Elmi-Tədqiqat İnstitutunda 8 Noyabr – Zəfər Günü münasibətilə "Qalib dövlət, qalib lider, qalib xalq" mövzusunda tədbir keçirilib. Tədbirdə YAP Göygöl rayon təşkilatının sədri Vüqar İsayev, İnstitutun direktoru Mahir Hacıyev və digər rəsmi şəxslər iştirak ediblər.

Çıxış edənlər Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində qazanılan tarixi qələbənin əhəmiyyətindən, ordumuzun rəşadətindən və antiterror tədbirləri nəticəsində suverenliyimizin tam bərpasından bəhs ediblər. Vurğulanıb ki, bu gün işğaldan azad edilmiş ərazilərdə "Böyük Qayıdış" proqramı çərçivəsində genişmiqyaslı bərpa işləri uğurla davam etdirilir. Tədbir Zəfər Gününə həsr olunmuş filmin nümayişi ilə yekunlaşıb.