Heyvandarlıq Elmi Tədqiqat İnstitutunun “Aqrar sahədə elmi araşdırmalar və heyvandarlıqda innovasiyalar” jurnalının adının dəyişdirilməsi məsələsi 25 noyabr 2022-ci ildə çağrılmış “Elmi şura”da (protokol №14) baxılmış və adın dəyişdirilərək “Aqrar sahədə elmi araşdırmalar” adlandırılması qərara alınmışdır. Hal-hazırda jurnal “Aqrar sahədə elmi araşdırmalar” adı altında nəşr edilir.
Bu dəyişiklik jurnalın yalnız heyvandarlıq deyil, həmçinin digər aqrar sahələr üzrə aparılan tədqiqatları da əhatə etməsinə imkan yaradır və onu çoxşaxəli elmi platformaya çevirir. Yeni ad müxtəlif sahələrdə çalışan alim və tədqiqatçılar heyvandarlar, baytarlar, aqronomlar, mühəndislər, bioloqlar, iqtisadçılar, ekologlar və s. üçün jurnalın elmi platforma kimi cəlbedici olmasını təmin edir. Bu isə təqdim ediləcək məqalələrin say və keyfiyyət baxımından artmasına şərait yaradır. Jurnalın adını qısa olması beynəlxalq praktikada qəbul edilmiş sadə və ümumiləşdirici jurnal adlarına uyğundur.
Jurnalın adının qısa olması beynəlxalq elmi bazalarda indekslənmə, sitat gətirilmə və akademik nüfuz baxımından daha əlverişli sayılır. Adının qısa olması yorucu deyil və dəqiq olması ona həm yerli, həm də xarici tədqiqatçılar üçün rahat baxmaq imkanı yaradır.