Heyvandarlıq Elmi-Tədqiqat İnstitutunda istehsalat təcrübəsi keçən Azərbaycan Dövlət Aqrar Universitetinin “Baytarlıq təbabəti” ixtisasının IV kurs tələbələrinin təcrübə müddətləri başa çatıb. İstehsalat təcrübəsi ərzində tələbələrə institutun mütəxəssisləri tərəfindən həm nəzəri təlimlər, həm də praktiki məşğələlər keçilib. Tələbələr həmçinin, institutun Yardımçı Təcrübə Təsərrüfatlarında, eləcə də müxtəlif tədqiqat obyektlərində aparılan tədqiqat işləri ilə yaxından tanış olublar.
Sonda tələbələrlə hesabat xarakterli görüş keçirilib, institut rəhbərliyi və təcrübə müddəti ərzində tələbələrə təlimlər keçmiş mütəxəssislərlə xatirə şəkli çəkilib.