18 aprel 2025-ci il tarixində Heyvandarlıq Elmi Tədqiqat İnstitutu və Cənubi Koreyanın “İnpro” şirkətinin əməkdaşları arasında onlayn görüş keçirilib.
Görüşdə Heyvandarlıq Elmi Tədqiqat İnstitutunun ümumi işlər üzrə direktor müavini Fərid Dünyamalıyev, “Beynəlxalq əlaqələr və İKT” şöbəsinin müdiri Aytən Əliyeva və şöbənin digər əməkdaşları, tərcüməçi Nərgiz Novruzova, Koreya tərəfindən isə “İnpro” şirkətinin icraçı direktoru Seung Hyeok Choi və şirkətin nümayəndəsi Kvon Yonq Von iştirak edib.
Görüş zamanı AFACI təşkilatına üzvlük barədə işin cari vəziyyəti, may ayında baş tutacaq kənd təsərrüfatı sərgisində “İnpro” şirkətinin iştirakı və əlaqələrin qurulması, eyni zamanda institutla “İnpro” şirkətinin birgə icra etdiyi pilot layiənin gedişi ilə bağlı geniş müzakirələr aparılıb.