“Alternativ yem mənbələrinin quşların məhsuldarlıq göstəricilərinə təsirinin tədqiqi” mövzusunun müvafiq mərhələsinə uyğun olaraq institutun “İri və xırdabuynuzlu heyvanların, quşların yetişdirilməsi” laboratoriyasının əməkdaşları tərəfindən hind quşlarının yaşıl yemlə yemlənməsi prosesi həyata keçirilib.
Yüksək qida tərkibi olan yaşıl yemlər hind quşlarının yumurta məhsuldarlığını artırır və bu quşların həzm sisteminə müsbət təsir göstərir. Yaşıl yemlər yüksək qidalılıq dəyərinə görə fərqlənir, onun tərkibində amin turşuları, vitaminlər və mineral maddələr çoxdur. Yaşıl ot əsasən karotin mənbəyi hesab olunur. Onun 1 kq quru maddəsində 150-200 mq-dan çox karotin mövcuddur.