6 dekabr 2024-cü il tarixində Heyvandarlıq Elmi Tədqiqat İnstitutunda südlük inəklərin yemləndirilməsi üzrə mütəxəssis, fəlsəfə doktoru Abdullah Xosrov Sami tərəfindən "Südlük inək sürülərində asidoz" adlı təlim keçirilib. Təlimdə Göygöl və ətraf rayonların DAİM-lərinin heyvandarlıq sektorlarının əməkdaşları, fermerlər, baytar həkimlər və mütəxəssislər iştirak edib.
Təlim zamanı asidoz xəstəliyinin yaranma səbəbləri, klinik əlamətləri, diaqnostik üsulları və qarşısının alınması yolları müzakirə edilib. Həmçinin, düzgün qidalanma strategiyaları, yem rasionunun balanslaşdırılması və xəstəliyin erkən mərhələdə aşkarlanması üçün aparılan tədbirlər izah olunub.
Təlimin sonunda təlim iştirakçıları sertifikatla təltif edilib.