Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının Respublikamızda keçirilməsi ilə əlaqədar olaraq Kənd Təsərrüfatı Nazirliyinin və Heyvandarlıq Elmi Tədqiqat İnstitutunun birgə təşkilatçılığı ilə keçiriləcək “İqlim dəyişikliyinin dayanıqlı heyvandarlığın inkişafına təsiri” adlı beynəlxalq elmi-praktiki konfransın ikinci günü “Heyvandarlıqda sənayeləşmə və intensivləşməvləşmə” və “Heyvan sağlamlığı və rifahı” sessiyaları üzrə davam edib.
Qazaxıstan Heyvandarlıq və Yem İstehsalı Elmi Tədqiqat İnstitutunun əməkdaşı Oleq Borisoviç “Arıçılıqda seleksiya prosesinin idarə edilməsi üçün effektiv texnologiyaların işlənib hazırlanması” mövzusunda, Türkiyə Qars Qafqaz Universitetinin professoru Yavuz Öztürkler “Qlobal istiləşmə və iribuynuzlu heyvanlarda çoxalma” mövzusunda, Türkiyə Aksaray Universitetinin proessoru Zeki Aras “Heyvandarlıqda yeni vaksinlər” mövzusunda, Heyvandarlıq Elmi Tədqiqat İnstitutunun Abşeron Heyvandarlıq Təcübə Stansiyasının direktoru a.e.f.d. Şahmar Məmmədov “Azərbaycanda sənaye quşçuluğu, intensiv texnologiyaların tətbiqi”, institutun əməkdaşı t.f.d., dos. Samir Mahmudov “Arıçılıqda yeni davamlı hibridlərin yaradılması və biologiyasının tədqiqi”, institutun böyük elmi işçisi Mübariz Əliyev “Yerli qaramal cinslərinin yaxşılaşdırılmasında biotexnoloji üsulların tətbiqi”, a.e.f.d., dos. Qafar Məmmədov “Respublikanın aran rayonları üçün tez yetişən, istiliyə dözümlü hibridlərin yaradılması və sınağı”, Tural Abbasov “Smart fermalarda sürü idarə edilməsinin təşkili”, Rəşad Məhərrəmov isə “İqlim dəyişikliyində genetik araşdşrmaların əhəmiyyəti” mövzularında təqdimat və ətraflı məruzələrlə çıxış ediblər.
Konransın ikinci günü də geniş fikir mübadiləsi ilə davam edib.