Heyvandarlıq Elmi Tədqiqat İnstitutunda (HETİ) Aqrar Sahə İşçilərinin Həmkarlar İttifaqı Birliyinin etimadlı həkimi Söhrab Mansırov, texniki əmək müfəttişi Ramiz Hacıyev və təşkilat şöbəsinin mütəxəssisi Rəhman Vəliyevin iştirakı ilə yığıncaq keçirilib. Yığıncaqda HETİ-nin İlk Həmkarlar Komitəsinin fəaliyyəti dinlənilib. Çıxış edənlər HETİ-nin İlk Həmkarlar Komitəsinin fəaliyyətini yüksək qiymətləndiriblər. Görüşdə iştirakçıların fikirləri dinlənilib, sualları cavablandırılıb. Daha sonra HETİ-də İlk Həmkarlar İttifaqı Komitəsinin sədri Aytən Məmmədovaya Azərbaycan Həmkarlar İttifaqları Konfederasiyası tərəfindən “Əməkdə, təhsildə və ictimai fəaliyyətdə xüsusi nailiyyətlərinə görə” 2023-cü ilin Peşəkar Gənci Fəxri diplomu, medalı və vəsiqəsi təqdim edilib.
Daha sonra qonaqlar Heyvandarlıq Elmi Tədqiqat İnstitutunun mövcud laboratoriyaların fəaliyyəti ilə də tanış olublar.