Azərbaycan Respublikası Kənd Təsərrüfatı Nazirliyi və Türkiyə Respublikası Kənd Təsərrüfatı Nazirliyinin (Türkiye Cumhuriyeti Tarım ve Orman Bakanlığı) birgə təşkilatçılığı ilə "Azərbaycanda süni mayalanma, qulluq və bəslənmə" adlı təlim proqramı davam edir.
Bu gün təlimçilər tərəfindən iştirakçılara dişi heyvan üzərində süni mayalanma – rekto-vaginal sersivs prosesi, inəklərdə həvəsəgəlmənin müəyyən edilməsi, təyini və ən uyğun mayalama vaxtı, payetin mayalama üçün hazır vəziyyətə gətirilməsi texnikaları və süni mayalanma texnikinin termosuna qulluq və ondan istifadə barədə geniş məlumat verilib.
Qeyd edək ki, nəzəri hissədən sonra təlim Heyvandarlıq Elmi-Tədqiqat İnstitutunun Yardımçı Təcrübə Təsərrüfatında praktiki şəkildə də davam etdirilib.