YAP Göygöl rayon təşkilatı üzrə Ərazi Partiya təşkilatlarında Partiyanın yaradılmasının 30 illiyinə həsr edilmiş tədbirlər keçirilir.
Bu gün Yeni Azərbaycan Partiyası Göygöl rayon təşkilatı üzrə Heyvandarlıq Elmi Tədqiqat İnstitutu ərazi partiya təşkilatında Yeni Azərbaycan Partiyasının təsis edilməsinin 30 illiyinə həsr olunmuş tədbir keçirilib.
Tədbirdə YAP rayon təşkilatının sədri Vüqar İsayev, kollektivin rəhbər heyəti və partiya fəalları iştitak ediblər.
Əvvəlcə tədbir iştirakçıları ümummilli lider Heydər Əliyevin adını daşıyan xiyabanda büstü önünə gül dəstələri qoyaraq, Ulu Öndərin əziz xatirəsinə dərin hörmət və ehtiram ifadə ediblər.
Tədbirdən öncə təşkilatın ərazisində ağacəkmə aksiyası keçirilmiş, daha sonra tədbir açıq elan olunaraq Dövlət Himni səsləndirilib, ulu öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Tədbirdə məruzə ilə çıxış edən Heyvandarlıq Elmi Tədqiqat İnstitutu ərazi partiya təşkilatının sədri Mahir Hacıyev tədbir iştirakçılarını YAP-ın 30-cu ildönümü münasibətilə təbrik etmiş və bildirmişdir ki, partiyamız yaradıldığı gündən üzərinə götürdüyü missiyanı şərəflə yerinə yetirmişdir. Əldə olunan uğurlar təbii ki partiyamızın qurucusu və ilk sədri olmuş Ulu Öndər Heydər Əliyevin adı ilə bağlıdır. Bu gün isə partiyamızın rəhbəri, Müzəffər Ali Baş Komandanımız İlham Əliyev bu siyasi kursu məharətlə davam etdirir. Ölkədə güclü quruculuq işləri sosial iqtisadi islahatlar aparılır, ölkənin bütün sahələrinin inkişafı üçün əməli addımlar atılır. Vətən müharibəsində tarixi Zəfərimizdə də Yeni Azərbaycan Partiyasının mühüm rolu olmuşdur. Partiyamız fəaliyyəti ilə sübut edir ki həm dünənin, həm də bu günun partiyasıdır. Biz hər birimiz əminik ki bu partiya Azərbaycanın güclü siyasi, iqtisadi inkişafı üçün təməlini qoyduğu hədəflərlə həm də gələcəyin partiyasıdır.
Tədbirdə YAP rayon təşkilatının sədri Vüqar İsayev çıxış edərək, iştirakçıları Milli Dirçəliş Günü münasibətilə təbrik etmiş, YAP-ın yaranma tarixindən, keçdiyi şərəfli yoldan, gələcək hədəflərindən bəhs edən edərək bildirmişdir ki, 30 illik zəngin və şərəfli inkişaf yolu keçmiş YAP ötən müddət ərzində ümumxalq partiyasına çevrilərək möhtəşəm nailiyyətlər əldə etmişdir. Azərbaycanın bu günkü reallıqları keçdiyimiz 30 ilin ümumiləşdirilmiş ifadəsidir.
Ötən müddət ərzində şərəfli yol keçən, bütün çətinliklərdən uğurla çıxan partiya qarşıdakı dövrdə daha əzəmətli hədəflər seçmiş və ona doğru inamla irəliləyir. Zəngin dövlətçilik və idarəetmə təcrübəsinə malik olan, ömrünü və bütün fəaliyyətini öz xalqına və dövlətinə xidmətə həsr edən güclü liderin, Heydər Əliyevin ətrafında yaranmış YAP bu gün də onun ideyalarını uğurla davam etdirir, Prezident İlham Əliyevin sədrliyi ilə çox böyük qələbələrə və zəfərlərə imza ataraq Yeni Azərbaycan Partiyası özünün 30-cu ildönümünü belə tarixi zəfər şəraitində qarşılayır.
Partiya fəallarından YAP Gənclər Birliyinin üzvü Fərid Dünyamalıyev, Qafar Məmmədov və Aytən Əliyeva çıxış edərək qələbənin əldə olunmasında partiyamızın lideri İlham Əliyevin çox böyük məharətindən danışaraq, partiyamızın yaradıcısı, Ulu Öndərimiz Heydər Əliyevin vaxtilə mənim başa çatdıra bilmədiyim işləri İlham Əliyev başa çatdıracaq kəlamının bu gün gercəkliyə çevrildiyindən qurur duyduqlarını bildirmiş və Ulu Öndərin ideyalarının xalqımızı daim qələbələrə aparacağına əminliklərini ifadə etmişlər.
Tədbirin sonunda Göygöl rayon təşkilatının ictimai-siyasi həyatında fərqlənən bir qrup partiya fəalına fəxri fərmanlar verilmiş, partiya sıralarına yeni qəbul olunmuş şəxslərə üzvlük vəsiqəsi təqdim edilmişdir.